പുതിയ വർഷങ്ങൾ പിറക്കട്ടെ...

നമുക്കീപുതുവർഷത്തിൽ
മാറ്റത്തിന്റെ പുതുമകൾ
തേടിയിറങ്ങാം
പുതിയ ആകാശങ്ങളിൽ
നമുക്ക് രാപ്പാർക്കാം
പുതിയ ഭൂമികൾ
ഉഴുതുമറിക്കാം
ലക്ഷ്യത്തിലെത്താൻ
നേർക്കുനേരെ
ഉന്നംപിടിക്കാം
പറയുന്നതിലധികം
ചെയ്തിടാം
വഴുതിപ്പോകാതെ
വറുതിയിൽ നിർത്തിടാം.
ഇനിയുമെത്ര ദൂരമെന്ന
കൃത്യമാക്കിടാം
ശുഭാപ്തിവിശ്വാസവും
ശുഭപ്രതീക്ഷയും
കൈവിടാതിരിക്കാം
ചിത്തം നൽകി
ഊന്നലുകളിലൂന്നി
മുന്നോട്ട് നടക്കാം
അലക്ഷ്യമാവാതിരിക്കാം
ലക്ഷ്യമകലെയല്ല
പുത്തനറിവുകളിൽ
നമുക്ക് നമ്മെ
പുതുക്കികൊണ്ടിരിലക്കാം
നിർണ്ണിതശക്തിക്കു
മപ്പുറമാവണം നോട്ടം
എങ്കിൽ
നേട്ടമസാധ്യമല്ല
സസന്തൊഷം
സദൈര്യം
സവിനയം
മുന്നോട്ട് നടക്കുക….
പുത്തനുണർവിന്റെ
പുതുവർഷങ്ങൾ
പിറക്കട്ടെ....
ആശംസകളോടെ...

മൗനം വാചാലം

മൗനം വാചാലം സംഗീതം
മൗന സന്ദര്‍ഭം പ്രധാനം
വിദ്വാന്‍റെ മൗനം ഭൂഷണം
കലാകാരന്‍റെ മൗനം തീവ്രം 
സമൂഹത്തിന്‍റെ മൗനം ഭീകരം
മടിയന്റെ മൗനം മ്ലാനം
മംഗയുടെ മൗനം സമ്മതം
ചിന്തകന്റെ മൗനം ഉദ്ദീപകം
അദ്ദ്യാപകനതുദേഷ്യമെങ്കിൽ
വിദ്യാര്‍ഥിക്കതു ദോശംതന്നെ

മാധ്യമമൗനം രാഷ്ട്രീയം
നിഷ്പക്ഷകന്റെ മൗനവുംപക്ഷം
ഭ്രാന്തന്റെ മൗനം ആശ്വാസം
മന്ത്രിയുടെ മൗനം ചാണക്യസൂത്രം
തന്ത്രിയുടെ മൗനവും കുതന്ത്രം
കുറത്തിയുടെ മൗനം ചൂഷണം
മാഷിന്റെ മൗനം പോഷണം
ഉപകരണമൗനം തകരാണേൽ
ചലനമൗനം മരണം
മാനത്തിന്നുമുണ്ടൊരുമൗനം
ഈയുലകമൗനംപരലോകം
മരണമൗനം ശൂന്യംശൂന്യം

ജീവിതത്തിന്റെ അർത്ഥാന്തരങ്ങൾ

ചാക്രികമാണീ ജീവിതകാലം
പ്രവാസകാലം അതിലും ചുരുക്കം
ചോതോഹരമാക്കണമത്, സചേതനമാക്കണമത്
രചനാത്മകവുമാക്കി മാറ്റണമത്
ചരിത്രത്തെ തമസ്കരിക്കുക വയ്യ
മുമ്പേ നടന്നുപോയവരിൽ നിന്ന് പാഠമുൾകൊള്ളണം
പുതിയ പരിവർത്തന ഘട്ടങ്ങളിലേക്ക് ഒടിയടുക്കേണം
കരുത്തുറ്റ ആദർശത്തിന്റെഉൾക്കരുത്തും
ചിന്തോദ്ദീപകമായ ആശയബലത്തിന്റെ ആർജ്ജവവും
നമുക്ക് കൂട്ടിനുണ്ടാവണം
മാറ്റമെന്നത് കാലഘട്ടത്തിന്റെ അനിവാര്യതയാണ്
മാറ്റമില്ലാത്ത ഭാവി അസംഭവ്യമെന്ന് ചരിത്രപാഠം.
സ്നേഹിക്കുന്ന ഹൃദയംകൊണ്ട് നാം സമീപിക്കുന്ന
സമൂഹത്തെ കീഴടക്കാനാകണം
സാഹോദര്യത്തിന്റേയും ഐക്യത്തിന്റേയും
കമാനങ്ങൾ പണിയണം
സേവനത്തിന്റേയും അർപ്പണത്തിന്റേയും
പുതിയ ഭാഷ്യങ്ങൾ രചിക്കാൻ
നമുക്ക് ഒന്നിച്ച് നിൽക്കണം
ദൈവത്തിൽ പ്രതീക്ഷയർപ്പിച്ച് പടപൊരുതണം
വിജയത്തിനായി പ്രാർത്ഥിക്കാം.......

വീട്ടിലമ്മ

വീട്ടമ്മക്ക് സമയം മാത്രമില്ല
കറിവെക്കുന്നുണ്ട്, ഇഷ്ടപ്പെടുന്നുമുണ്ട്
നന്നായിരിക്കുന്നുവെന്നറിയിക്കുന്നുമുണ്ട് പലരും
ഫെയ്സ്ബുക്കിലാണെന്നുമാത്രം
അവരെ കുറ്റംപറഞ്ഞിട്ടെന്തു കാര്യം
എന്തെല്ലാമേതെല്ലാമൊരാൾ ചെയ്യണം
സീരിയലൂകളിലെത്ര കയറണം
ചാനലുകളെത്ര കാണണം
റിമോട്ടിലിരുന്ന് ടൈപ്പ് പഠിക്കണം
ട്വിറ്ററും ഗൂഗിളും ഭൂലോകമെക്കെയും
പലവകകൾ പിന്നെയെന്തൊക്കെ...
പെരുന്നാളിലെങ്കിലും പാതിരാവിൽ
പലഹാരപ്പണിപ്പോലുമിന്നില്ല
മാർകറ്റുകവർന്ന ഇൻസ്റ്റന്റ്ലൈഫിത്
വീട്ടമ്മക്കുവീടിനുള്ളിനെന്തെവിടെയെന്നറിയില്ല
ഹൈപർമാർക്കറ്റിലോരോന്നുമെവിടെയെന്നെത്ര
കൃത്യമാണ് പോലും
അടുക്കള അരങ്ങാക്കിയ അമ്മയിന്ന്
ഓർമ്മിക്കുവാനുള്ളൊരോർമ്മ മാത്രമാണ്.

കൊന്ന പാപം തിന്നാൽ തീരുമോ

http://www.youtube.com/watch?v=I1OfGabeLqc

 അണപ്പൊട്ടിയാൽ അണ്ണനേ ചീറ്റൂ
അടി തെറ്റിയാൽ അറംപറ്റും
അടി കുലുങ്ങിയാൽ അരികിലാവുന്നത്
... അമ്പതു ലക്ഷം ജീവിതങ്ങൾ

അണപൊട്ടിയൊഴുകുമണക്കെട്ട്
അണകെട്ടി നിർത്താൻ
അണ കൊടുത്താലും
അണികളെ കിട്ടാകാലമിത്

അന്നം തേടിവന്ന
അണ്ണാച്ചി അറച്ച് നിൽക്കുന്നു
അന്തനല്ലെന്ന് ആക്രോശിച്ച്
സ്വയം അഭിമതനാവുന്നു

അശ്രുകൊണ്ട് ആത്മപൂജ
നടത്തിയാൽ തീരാപാപം
ആറടിമണ്ണിൽ മനുഷ്യ കൃഷിനടത്തി
തീർക്കുക തമിഴരേ നിങ്ങൾ...

ബാചിലർ കാലത്തെ നോവുകൾ

നോവിക്കുവാൻ നോമ്പെടുത്തവർ
നോ'എന്നു വിലപിക്കാത്തവർ
സുഖമുള്ള നോവെന്നു നോക്കിനിന്നവർ
ചുടുചോര ചൂഴ്നെടുക്കുകിലും
ചോരക്കളമാകാറില്ലോരിക്കലും
ഉണ്ണാനുടുക്കാൻ ഉടുതുണിമാറ്റി
യൽപ്പം ചാഞ്ഞുറങ്ങാൻ
തുനിഞ്ഞവരെ തേടിയെത്തുമിവർ
അവനവനാത്മസുഖത്തിനായ്
അപരന്റെ സുഖത്തിൽ കുത്തുമിവർ
ഇത്തിരികുത്തിയൊത്തിരിയൂറ്റി
കുടിക്കുമിവർ ജീവനായ് പിന്നെ
ജീവനും കോണ്ടോടിയൊളിക്കുമിവർ
മുക്കുമൂലകളിവർക്കാവാസകേന്ദ്രം
സധാചുടുചോരപ്രിയരിവർ
ആരുമാരുമാരാനും ഏവനിവനെമ്പോക്കിയും
കുത്തുകൊണ്ടെത്ര കോപിഷ്ടനായ്
കോപം കലങ്ങിത്തെളിഞ്ഞ്
സടകുട ചാടിയെഴുനേറ്റ് തൂത്തുവാരി
ഉടുപ്പും ഉടുതുണിയും ഉടയാടയും
കിഴിയും കിടക്കയും കിടപ്പാടവും
വലിച്ചും അരിച്ചും പെറുക്കിനോക്കി
പൊടിപോലുമില്ല കണ്ട്പിടിക്കാൻ
മൂട്ടയാശാന്റെ പൊടിപോലുമില്ല...

കനലെവിടെ..?

അലങ്കാര വസ്തുവായി വീട്ടിൽ
അടക്കിവെച്ച ഖുർആൻ
നമ്മേ നോക്കി ചിരിക്കുന്നു
ഗ്രന്ഥം ചുമക്കുന്ന കഴുതകളായി
ചിരി കൈമാറുക കൂട്ടരെ

വേദം പഠിപ്പിക്കാനൊത്തിരി വേദികൾ
വേദികളോരോന്നും ഒഴിഞ്ഞമൂലകൾ
നിറഞ്ഞമനസ്സുള്ളവരെ തിരഞ്ഞ്
കരഞ്ഞ് പോകുന്ന അധ്യാപകർ
പെരുകുന്നീ മറുനാട്ടിലും സോദരെ

അറിഞ്ഞിട്ടും അറിയാത്തവരായി
പഠിച്ചതെല്ലാം പൂഴ്ത്തി വെച്ച്
പാമരനെ വെല്ലുന്ന
പണ്ഠിതന്മാരുണ്ടിവിടെ
കുണ്ഠിതപ്പെടുക സഹചരെ

പ്രവാസി തിരക്കിലാണധികം
പ്രയൊജനമില്ലാത്തൊരധിവേഗം
വെട്ടിപ്പിടിക്കാനായൊരു നെട്ടോട്ടം
വേദമോതാനാർക്കിവിടെ നേരം
നാലു കാശിലാണവരുടെ നോട്ടം

ഖുർആൻ നന്നെന്ന വാദമേയുള്ളൂ
ചൊല്ലിയാൽ ചേദമില്ലേന്നൊരറിവുമുണ്ട്
പഠിക്കുവാനായ് പാദമുന്താൻ മടിമാത്രം
ഗതിമാറി നീന്തുന്ന നഷ്ടക്കാരനെ
തിരിതെളിക്കാനോരു കനലെവിടെ..?

(2010ൽ യു. എ. ഇ.ഖുരആൻ സ്റ്റഡിസെന്റർ ഇ-മാഗസിനു വേണ്ടി എഴുതിയത്)