Let's discuss....

ചൂട് പിടിച്ച ചർച്ചകൾ
================
വിവാദങ്ങളും
വാദമുഖങ്ങളും
വിഹ്വലതകളും
വെറും വർത്തമാനങ്ങളും
വീരവാദങ്ങളും
വാചാടൊപങ്ങളുമൊന്നും
വറുതിക്ക് വേണ്ടിയല്ല
വിശാലതക്ക് മാത്രം
വല്ലാതെ ചുരുക്കരുത്
ചേർന്നിരിന്നും
ചേരുമ്പടിചേർത്തും
ചേർക്കേണ്ടത് ചേർത്തും
വേണ്ടാത്തത് ചോർത്തിയും
ചർച്ചകൾ ചൂട്പിടിക്കട്ടെ 
വാക്കുകളിലെ
ഭിന്നതകൾ
വീക്ഷണങ്ങളിലെ
വിശാലതക്ക് 
വളമാവും 
വാചക
കസർത്തുകളല്ല
ചെത്തിമിനുക്കിയ
വാക്കുകളും
അരക്കല്ലിലുരച്ചെടുത്ത
നിരീക്ഷണങ്ങളുമാണ്
ബലാബലങ്ങൾക്ക്
ഒടുവിൽ
ഹൃത്തടങ്ങളിൽ
ബാക്കിയാവുക
ഏകോപിക്കുവാനും
സമന്വയിപ്പിക്കുവാനും
ചില ശ്രമങ്ങളും
നടുവിൽ
നിന്നുണ്ടാവണം
ഒന്നിപ്പിന്റെ
സ്വരങ്ങൾ
ഒന്നിച്ച് മുഴക്കാൻ
ഒരുമിച്ച് നിൽക്കാം
ചുവടുറപ്പിക്കും മുമ്പ്
ചിത്തവും ചിത്രവും
വ്യകതമാവണം

അടുക്കളക്കാര്യങ്ങൾ

അടുക്കളയിലിന്നാണുങ്ങൾ അറക്കാത
അരിയെത്രയെന്നെതെത്രവട്ടം ചോദിച്ചു
നാഴിനാവൂരിയിടങ്ങഴിക്കണക്കിന്നാർക്കറിയാം
അഞ്ഞാഴി പയറിന്നെവിടെക്കുതിരുന്നു
മൂന്നുനേരം പിന്നെയും നേരങ്ങൾ
ഒഴിയാത്തയടുക്കളയുമടുപ്പുമോർമ്മയുണ്ടൊ
കലപിലകൂട്ടുമടുക്കളയിലൊഴിയാപാത്രത്തിൻ
തത്രപ്പാടുകളൊന്നും കാണുന്നില്ലെവിടെയും
ഗ്രിൽസും മിക്സൂം ചൈനീസുമിന്നിവിടെവരും
ഇൻസ്റ്റന്റ് കോഫിയും ഐസ്ടീയും
അടുക്കളയേറിയ റെഡിമെയ്ഡ് ജീവിതം
അരിയിടിക്കാനുലക്കയുമുരലും വേണ്ട
കറിതൂക്കാനുറിയില്ല കഴുക്കോലും വേണ്ട
ഏത്തക്കതൂക്കാനുക്കില്ല വിറക് വെക്കാനട്ടമില്ല
പഴുത്തപഴം പരതാൻ പത്തായവുമിന്നില്ല
ഉറയിട്ട കൈകളില്മുറുക്കിപ്പിടിച്ച
കത്രിക കണ്ട് മത്സ്യം നാണിക്കുന്നു.
കഴുത്തിൽകെട്ടിയിട്ട നീളക്കുപ്പായവുമുണ്ട്
പ്ലക്കറുണ്ട്കൈപൊള്ളാതിരിക്കാൻ
ജൂസറുണ്ട് ഗ്രൈന്ററുണ്ട് പൊടിച്ച്
വേഗം വറുത്തെടുക്കാൻ
പത്തിരിക്ക് പ്രസ്സുണ്ട് കുഴലുവേണ്ട
മോരുകലക്കാൻ മിക്സിയുണ്ട് കടോലുവേണ്ട
മുട്ടക്ക് ബീറ്ററും ചൂടിന്ന് ഹീറ്ററും റെഡി.
വീസനയില്ല ബെയ്സനെയുള്ളൂ.
കപ്പിവേണ്ട ടാപ്പുകൾ പലതരം
എന്നെങ്കിലുമെപ്പോഴെങ്കിലുമൊരിക്കൽ
എലശേരി സാമ്പാറാക്കിയാൽ തിരുകികയറ്റി
ഫ്രിഡ്ജിൽ ഫ്രീസറിൽ മുകളിലും താഴെയും
ചൂടാക്കി ചൂരാക്കി ചൂടാറ്റിക്കുറുക്കിയത്
നൂറ്റൊന്നാവർത്തിക്കാൻ വിധിയിത്തലമുറക്ക്
ചോറിന്നു ചോരനീരാക്കുന്നവരിന്നത്രമേലില്ല
ജീവിതം ജോറാക്കുനവരെത്രമേലെന്നാർക്കറിയാം

പുതിയ വർഷങ്ങൾ പിറക്കട്ടെ...

നമുക്കീപുതുവർഷത്തിൽ
മാറ്റത്തിന്റെ പുതുമകൾ
തേടിയിറങ്ങാം
പുതിയ ആകാശങ്ങളിൽ
നമുക്ക് രാപ്പാർക്കാം
പുതിയ ഭൂമികൾ
ഉഴുതുമറിക്കാം
ലക്ഷ്യത്തിലെത്താൻ
നേർക്കുനേരെ
ഉന്നംപിടിക്കാം
പറയുന്നതിലധികം
ചെയ്തിടാം
വഴുതിപ്പോകാതെ
വറുതിയിൽ നിർത്തിടാം.
ഇനിയുമെത്ര ദൂരമെന്ന
കൃത്യമാക്കിടാം
ശുഭാപ്തിവിശ്വാസവും
ശുഭപ്രതീക്ഷയും
കൈവിടാതിരിക്കാം
ചിത്തം നൽകി
ഊന്നലുകളിലൂന്നി
മുന്നോട്ട് നടക്കാം
അലക്ഷ്യമാവാതിരിക്കാം
ലക്ഷ്യമകലെയല്ല
പുത്തനറിവുകളിൽ
നമുക്ക് നമ്മെ
പുതുക്കികൊണ്ടിരിലക്കാം
നിർണ്ണിതശക്തിക്കു
മപ്പുറമാവണം നോട്ടം
എങ്കിൽ
നേട്ടമസാധ്യമല്ല
സസന്തൊഷം
സദൈര്യം
സവിനയം
മുന്നോട്ട് നടക്കുക….
പുത്തനുണർവിന്റെ
പുതുവർഷങ്ങൾ
പിറക്കട്ടെ....
ആശംസകളോടെ...

മൗനം വാചാലം

മൗനം വാചാലം സംഗീതം
മൗന സന്ദര്‍ഭം പ്രധാനം
വിദ്വാന്‍റെ മൗനം ഭൂഷണം
കലാകാരന്‍റെ മൗനം തീവ്രം 
സമൂഹത്തിന്‍റെ മൗനം ഭീകരം
മടിയന്റെ മൗനം മ്ലാനം
മംഗയുടെ മൗനം സമ്മതം
ചിന്തകന്റെ മൗനം ഉദ്ദീപകം
അദ്ദ്യാപകനതുദേഷ്യമെങ്കിൽ
വിദ്യാര്‍ഥിക്കതു ദോശംതന്നെ

മാധ്യമമൗനം രാഷ്ട്രീയം
നിഷ്പക്ഷകന്റെ മൗനവുംപക്ഷം
ഭ്രാന്തന്റെ മൗനം ആശ്വാസം
മന്ത്രിയുടെ മൗനം ചാണക്യസൂത്രം
തന്ത്രിയുടെ മൗനവും കുതന്ത്രം
കുറത്തിയുടെ മൗനം ചൂഷണം
മാഷിന്റെ മൗനം പോഷണം
ഉപകരണമൗനം തകരാണേൽ
ചലനമൗനം മരണം
മാനത്തിന്നുമുണ്ടൊരുമൗനം
ഈയുലകമൗനംപരലോകം
മരണമൗനം ശൂന്യംശൂന്യം

ജീവിതത്തിന്റെ അർത്ഥാന്തരങ്ങൾ

ചാക്രികമാണീ ജീവിതകാലം
പ്രവാസകാലം അതിലും ചുരുക്കം
ചോതോഹരമാക്കണമത്, സചേതനമാക്കണമത്
രചനാത്മകവുമാക്കി മാറ്റണമത്
ചരിത്രത്തെ തമസ്കരിക്കുക വയ്യ
മുമ്പേ നടന്നുപോയവരിൽ നിന്ന് പാഠമുൾകൊള്ളണം
പുതിയ പരിവർത്തന ഘട്ടങ്ങളിലേക്ക് ഒടിയടുക്കേണം
കരുത്തുറ്റ ആദർശത്തിന്റെഉൾക്കരുത്തും
ചിന്തോദ്ദീപകമായ ആശയബലത്തിന്റെ ആർജ്ജവവും
നമുക്ക് കൂട്ടിനുണ്ടാവണം
മാറ്റമെന്നത് കാലഘട്ടത്തിന്റെ അനിവാര്യതയാണ്
മാറ്റമില്ലാത്ത ഭാവി അസംഭവ്യമെന്ന് ചരിത്രപാഠം.
സ്നേഹിക്കുന്ന ഹൃദയംകൊണ്ട് നാം സമീപിക്കുന്ന
സമൂഹത്തെ കീഴടക്കാനാകണം
സാഹോദര്യത്തിന്റേയും ഐക്യത്തിന്റേയും
കമാനങ്ങൾ പണിയണം
സേവനത്തിന്റേയും അർപ്പണത്തിന്റേയും
പുതിയ ഭാഷ്യങ്ങൾ രചിക്കാൻ
നമുക്ക് ഒന്നിച്ച് നിൽക്കണം
ദൈവത്തിൽ പ്രതീക്ഷയർപ്പിച്ച് പടപൊരുതണം
വിജയത്തിനായി പ്രാർത്ഥിക്കാം.......

വീട്ടിലമ്മ

വീട്ടമ്മക്ക് സമയം മാത്രമില്ല
കറിവെക്കുന്നുണ്ട്, ഇഷ്ടപ്പെടുന്നുമുണ്ട്
നന്നായിരിക്കുന്നുവെന്നറിയിക്കുന്നുമുണ്ട് പലരും
ഫെയ്സ്ബുക്കിലാണെന്നുമാത്രം
അവരെ കുറ്റംപറഞ്ഞിട്ടെന്തു കാര്യം
എന്തെല്ലാമേതെല്ലാമൊരാൾ ചെയ്യണം
സീരിയലൂകളിലെത്ര കയറണം
ചാനലുകളെത്ര കാണണം
റിമോട്ടിലിരുന്ന് ടൈപ്പ് പഠിക്കണം
ട്വിറ്ററും ഗൂഗിളും ഭൂലോകമെക്കെയും
പലവകകൾ പിന്നെയെന്തൊക്കെ...
പെരുന്നാളിലെങ്കിലും പാതിരാവിൽ
പലഹാരപ്പണിപ്പോലുമിന്നില്ല
മാർകറ്റുകവർന്ന ഇൻസ്റ്റന്റ്ലൈഫിത്
വീട്ടമ്മക്കുവീടിനുള്ളിനെന്തെവിടെയെന്നറിയില്ല
ഹൈപർമാർക്കറ്റിലോരോന്നുമെവിടെയെന്നെത്ര
കൃത്യമാണ് പോലും
അടുക്കള അരങ്ങാക്കിയ അമ്മയിന്ന്
ഓർമ്മിക്കുവാനുള്ളൊരോർമ്മ മാത്രമാണ്.

കൊന്ന പാപം തിന്നാൽ തീരുമോ

http://www.youtube.com/watch?v=I1OfGabeLqc

 അണപ്പൊട്ടിയാൽ അണ്ണനേ ചീറ്റൂ
അടി തെറ്റിയാൽ അറംപറ്റും
അടി കുലുങ്ങിയാൽ അരികിലാവുന്നത്
... അമ്പതു ലക്ഷം ജീവിതങ്ങൾ

അണപൊട്ടിയൊഴുകുമണക്കെട്ട്
അണകെട്ടി നിർത്താൻ
അണ കൊടുത്താലും
അണികളെ കിട്ടാകാലമിത്

അന്നം തേടിവന്ന
അണ്ണാച്ചി അറച്ച് നിൽക്കുന്നു
അന്തനല്ലെന്ന് ആക്രോശിച്ച്
സ്വയം അഭിമതനാവുന്നു

അശ്രുകൊണ്ട് ആത്മപൂജ
നടത്തിയാൽ തീരാപാപം
ആറടിമണ്ണിൽ മനുഷ്യ കൃഷിനടത്തി
തീർക്കുക തമിഴരേ നിങ്ങൾ...